പായിപ്ര
ഗ്രാമ പഞ്ചായത്ത്

🚨 ഓപ്പറേഷൻ തൂഫാൻ 2.0

തൂഫാൻ – തദ്ദേശം – ലഹരിക്കെതിരെ ജനസേന

പഞ്ചായത്ത് തല ലഹരിവിരുദ്ധ ജനകീയ ബോധവൽക്കരണ പരിപാടി

സംസ്ഥാനത്ത് ലഹരിവസ്തുക്കളുടെ വ്യാപനവും ഉപയോഗവും പൂർണ്ണമായി തടയുന്നതിനായി കേരള പോലീസും തദ്ദേശസ്വയംഭരണ വകുപ്പും സംയുക്തമായി നടപ്പിലാക്കുന്ന ‘ഓപ്പറേഷൻ തൂഫാൻ 2.0’ പദ്ധതിയുടെ ഭാഗമായി വാളകം ഗ്രാമപഞ്ചായത്ത് തലത്തിൽ “തൂഫാൻ – തദ്ദേശം – ലഹരിക്കെതിരെ” എന്ന പേരിൽ ലഹരിവിരുദ്ധ ജനകീയ ബോധവൽക്കരണ പരിപാടി സംഘടിപ്പിച്ചു.

കേവലം നിയമപാലന നടപടികളിൽ ഒതുങ്ങാതെ, പോലീസിന്റെ നിയമപാലന സംവിധാനവും തദ്ദേശസ്വയംഭരണ സ്ഥാപനങ്ങളുടെ ജനകീയ അടിത്തറയും ഏകോപിപ്പിച്ച് ലഹരിവിരുദ്ധ പ്രവർത്തനങ്ങൾ ഓരോ വാർഡിലേക്കും വീടുകളിലേക്കും വ്യാപിപ്പിക്കുക എന്ന ലക്ഷ്യത്തോടെയാണ് ഓപ്പറേഷൻ തൂഫാൻ 2.0 നടപ്പിലാക്കുന്നത്.

പായിപ്ര ഗ്രാമപഞ്ചായത്തിലെ സ്കൂളുകളിലും തൂഫാൻ കമാൻഡോസിന്റെ നേതൃത്വത്തിൽ മെഗാ വാക്കത്തോൺ സംഘടിപ്പിച്ചു.

🌿 നമ്മുടെ ലക്ഷ്യം

ലഹരിമുക്ത കുടുംബം
ലഹരിമുക്ത വിദ്യാലയം
ലഹരിമുക്ത വാർഡ്
ലഹരിമുക്ത കേരളം

👮 പരിപാടിയുടെ ഭാഗമായി കേരള പോലീസിന്റെ സഹകരണത്തോടെ തൂഫാൻ വാരിയർ ബാഡ്ജ് വിതരണം നടത്തി. സ്റ്റുഡന്റ് പോലീസ് കേഡറ്റുകൾ (SPC), വിദ്യാർത്ഥികൾ, പൊതുജനങ്ങൾ എന്നിവരോടൊപ്പം വിവിധ വിഭാഗങ്ങളിൽ നിന്നുള്ളവരും പരിപാടിയിൽ സജീവമായി പങ്കെടുത്തു.

ലഹരിക്കെതിരായ പ്രതിരോധ പ്രവർത്തനങ്ങൾക്കൊപ്പം വിപുലമായ ബോധവൽക്കരണവും പ്രചാരണവും പ്രാദേശികതലത്തിൽ ശക്തമായ നിരന്തര നിരീക്ഷണവും ഉറപ്പാക്കുക എന്നതാണ് പദ്ധതിയുടെ പ്രധാന ലക്ഷ്യം.

പഞ്ചായത്തുതലത്തിലുള്ള ജനപങ്കാളിത്തത്തിലൂടെ ലഹരിക്കെതിരായ കൂട്ടായ പ്രവർത്തനം ശക്തിപ്പെടുത്തുന്നതിനും ലഹരിമുക്ത കുടുംബം – ലഹരിമുക്ത വിദ്യാലയം – ലഹരിമുക്ത വാർഡ് – ലഹരിമുക്ത കേരളം എന്ന ലക്ഷ്യത്തിലേക്ക് മുന്നേറുന്നതിനുമുള്ള പ്രവർത്തനങ്ങളുടെ ഭാഗമായാണ് പരിപാടി സംഘടിപ്പിച്ചത്.

🚨 ലഹരിക്കെതിരെ കൈകോർക്കാം

പായിപ്ര ഗ്രാമപഞ്ചായത്ത്

ലഹരിമുക്ത സമൂഹത്തിനായി ഒരുമിച്ച് മുന്നേറാം